Seryoso nga nadala sa J.R. Borja General Hospital ang usa ka lalaki human gimartilyo pasado alas dose kagabie.
Ang biktima naila sa ngalan nga si Carlos Japson, 42 anyos nga taga Sitio Carinugan, Barangay Balulang ning syudad sa Cagayan de Oro.
Si Neptali Jomuad, 26 anyos nga residente sa maong dapit, ang nagtudlo sa maong suspect nga si Alex Nastindim Armecin, 44 anyos nga silingan sa biktima.
Matud ni Jomuad nga gimartilyo sa maong suspect ang biktima sa walay igong rason.
Gibutyag usab ni Jomuad nga gawas nga gimartilyo, gidunggab pa sa maong suspect ang biktima sa iyang screw driver.
Ang maong kaso, makuting gi-imbestigahan sa Carmen Police station.
Ang biktima nagpabilin pang giatiman sa mga doktor sa City Hospital samtang ang suspect ang mag-atobang sa kasong Frustrated Homicide.
