43 ka bag-ong kaso sa COVID-19, natala sa Region 10

19
PC: DOH CHDNM Resdru

Nakatala og 43 ka bag-ong kaso sa Corona Virus Disease o COVID-19 ang Northern Mindanao.

 

Base sa briefer nga gipagawas sa Department of Health kagahapon, 24 ka local case ang natala kung asa lima sa Bukidnon, duha sa Lanao del Norte, pito sa Cagayan de Oro City ug napulo sa Iligan City.

 

19 niini mga Returning Overseas Filipinos o ROFs ug Locally Stranded Individuals o LSIs kung asa unom taga Bukidnon, siyam taga Lanao del Norte, usa taga Misamis Oriental ug tulo taga Cagayan de Oro City.

 

Sa karon niabot na sa 2, 187 ang kinatibuk-ang kaso sa COVID-19 sa rehiyon kung asa 1,177 mga ROFs / LSIs ug 1,010 ang local cases.

Facebook Comments