Roxas City, Capiz – Ginabulubanta nga naglab-ot sa kapin P30,000 ang street value sang suspected shabu nga narekober sa isa ka persona sa ginkasa nga buy bust operation sa Rizal Street syudad sang Roxas pasado alas 10:00 sang nagligad nga gab-i.
Nakuha sang mga katapo sang roxas City PNP ang 9 ka sachet sang iligal nga droga nagikan kay Fritz Aguihap y Ariola, 45-anyos sang Brgy Dayao, Roxas City.
Magluwas sa iligal nga droga, nakuha man sa mga kamot sang suspek ang P500 nga buy bust money, cash nga P170, isa ka pack sang ginapatihan marijuana, cellphone kag .45 caliber pistol lakip ang kinse ka mga bala.
Magapangatubang naman sang kaso nga pagbayular sa RA 9165 ukon Comprehensive Dangerous Drugs Act of 2002 kag illegal possession of firearm ang suspek nga si Aguihap.
