Ya revela el City Agriculturist Diosdado Palacat cay ya alcansa ya na cantidad de 45 milyones de pesos el destroso na mga producto agricultural y fisheries que ya sale destrosao na avenida aqui na ciudad de Zamboanga.
Na entrevista del RMN Zamboanga enantes aga, si Palacat ya abla cay base na diila inisyal assessment por el dos diaz pasao que ya alcansa na 1,168 hectarya del mga sementera el afectao na cantidad de P10.731 milyones, na fishery sector P42.27 milyones de pesos por el mas de 2,405 ectarya afectao.
Si Palacat ya abla cay hasta aura, ta tormenta pa sila conduci el pinal assessment del mga destrosao mga sementera y mga fishpond, lo mismo mga agar-agar farms porcausa cay sumido pa el mga palayan y fishponds y grande-grande pa syempre el marihada. En tiempo si calma ya este aura, hay continua sila el cuntada del mga destroso del mal-tiempo.
Desfues del declarasyon del State of Calamity este dia, el oficina de Palacat hay conveni tambien insiguidas para fuede man-purchase el mga necesidades del mga siembrador y fescador. – – *Bhong Simbajon/RMN News*
