Maga pulis del Divisoria Police Station ya aresta con un persona quien ta carga pistol sin lisencia pasando na checkpoint na Boalan enante madrogada.
Con el arestao ya conose como si Rendon IbaƱez y Tuazon, 25, soltero de Tetuan.
Asegun con el report del pulis, serca man ala una del madrogada enante cuando ta conduci sila checkpoint donde ya precura pa disbija y ya man U-turn pa si IbaƱez cuando ya columbra canila na calsada.
Nohay mas puede escapa si IbaƱez despues ya ataja conele el otro maga pulis y ya pidi mira su licensya de manejada.
Pero envez de dale mira su lisencia, ya sopla pa de patada si IbaƱez con unu del maga pulis y ya entabla pa pero ya puede siempre conele encercula y ya aresta conele.
Maga pulis ya puede recobri un calibre 45 pistola con dos magazine tiene 13 maga bala.
Con IbaƱez ya detene na estacion del Divisoria pendiente el plantada de caso na corte.
