45% sa mga Pinoy nagapati nga may problema sa ikaayong lawas si Duterte

Halos katunga sang mga Pinoy ang nagapati nga may problema sa ikaayong lawas si Presidente Rodrigo Duterte base sa ginpagwa nga resulta sang survey sang Social Weather Stations (SWS).

Sa 1,500 ka respondents sang survey sang nagligad nga bulan, naggwa nga 45% sa mga Filipino ang nagapati nga may problema sa ikaayong lawas ang presidente samtang 26% naman ang wala nagapati diri.

29% naman ang nagpahayag nga indi sila makasiling kon bala may problema sa ikaayong lawas ang presidente ukon wala.


Sa survey, 61% ang nagpahayag nga dapat isapubliko sang presidente ang matuod nga estado sang iya ikaayong lawas samtang 33% naman ang nagpahayag nga dapat isa-pribado lang ini.

Naggwa man sa survey nga 55% sang mga respondent ang nagakabalaka sa estado sang ikaayong lawas sang presidente.

Sang nagligad nga semana, ginkumpirmar ni presidente Rodrigo Duterte nga nagpaidalum siya sa endoscopy kag colonoscopy.

IN PHOTO: SLEEP AID. What appears to be an oxygen concentrator can be seen beside President Duterte’s bed in Davao City. Photo from Manases Carpio

Facebook Comments