Pagadian City – Gikustodiya sa kapulisan sa syudad sa Pagadian ang 47 anyos nga lalaki nga naaktohan nga nagdala og armas alas 12:00 kagahapon sa udto dihang dapita Purok Marang, Barangay Tuburan niining dakbayan.
Giila ang naaresto nga si Catalino Cantil Abangan Sr., residente sa Purok Pagatpat Dos, Barangay Santa Lucia, Pagadian.
Mismong ang kapitan sa Barangay Tuburan nga si Raymundo Albiar ang nidala sa suspek ngadto sa buhatan sa kapulisan.
Sa inisyal nga imbestigasyon nasayran nga naarla matud pa ang kapitan dihang dunay walo ka mga kalalakin-an nga sakay sa motorsiklo ang nipundo sa gate sa iyang pinuy-anan aron nga iya kining gilakag og naapsan ang maong suspek.
Nakuha sa posisyon ni Abangan ang usa ka unit sa Calibre 45 nga pistola nga dunay unom ka mga buhing bala.
Giandam na ang kaso nga isang-at sa nadakpan nga suspetsado.
