481 barangay ngan 10 nga bungto gindeklara nga drug-cleared han PDEA

TACLOBAN CITY – Gin anunsyo han Philippine Drug Enforcement Agency o kun PDEA Region 8 nga ha pagka yana mayada na 481 nga mga barangay ngan 10 nga bungto iton ira gindeklara nga drug cleared Barangays ngan Municipalities.

11 porsyento na ini ha 4390 nga barangay ha bug-os nga Rehiyon. Sumala kan PDEA Regional Director Edgar Jubay, responsabilidad han Barangay Anti-drug Abuse Council o kun BADAC nga ig-monitor an illegal drug activities ha ira tagsa-tagsa nga barangay.

Dugang ni Jubay nga kun bumalik iton presensya hin illlegal nga droga ha bungto o barangay in tatanggalon ini nira ha listahan kumo drug cleared.


An 10 nga bungto nga drug cleared amu an Balangkayan, Gen. McArthur, Maslog, Mercedes, San Julian ngan San Policarpio ha Eastern Samar, Libagon ngan Limasawa naman ha Southern Leyte, ngan Motiong ngan Pagsangjan ha Samar.

Facebook Comments