4th ID Philippine Army sa Cagayan de Oro, dunay 115 ka bag-ong sundalo

19

Nanumpa na kagahapong adlawa atol sa gipahigayong Oath-Taking Ceremony ang 115 ka mga bag-ong sundalo sa 4th Infantry Division Philippine Army.

Kini naglakip na sa 95 ka mga lalaki ug 20 ka mga babaye, diin lima niini mga Bisaya ug kinse ang gikan sa Indigenous Peoples nga gikan sa nagkalain laing tribo sa nasud.

Nasayran nga human sa oath taking sa maong mga sundalo, mopaubos gilayon sila sa Basic Military Training sa 4th Division Training School sa Malaybalay City, Bukidnon alang sa 95 ka mga lalaki, samtang sa 6th Division Training School sa Carmen, North Cotabato usab ang 20 ka mga babaye aron matabangan sila sa pag-transform sa ilang carefree civilian life ngadto sa usa ka military men and women.

Samtang, molungtad matud pa sa unom ka bulan ang skills and knowledge training sa maong mga sundalo nga naglakip na sa combat fighting, life-saving imperatives, disaster response operation, peacekeeping initiatives, Human Rights, Rule of Law, and Rule of Engagement.

Tungod niini, gitimbaya ni 4th ID Commander Major General Ronald Villanueva ang mga napiling sundalo kinsa mipaubos sa sunod-sunod nga test ug screenings aron mahimong pinakamaayong sakop sa militar.

Dugang pa sa General Villanueva nga kini ang unang ang-ang sa pagpadayon sa ilang career sa military service, busa gilauman silang mas ma-developed pa pag-abot sa training isip mga kasaligang sundalo.

By: RadyoMaN Ellah Baculio

Facebook Comments