4th ID, wala pay dapit aha ibutang ang 65th Battalion

Malaybalay City, Bukidnon – Dili pa matumbok sa 4th Infantry Division kon 4 th ID kung aha ibutang ang laing batalyon nga gi-turn over ngadto sa ilang headquarters dili pa lamang dugay.

Sa interview sa RMN Malaybalay ngadto kang MGen. Ronald Villanueva, ang commander sa 4th ID, gibutyag niini nga sa karon anaa ang 65th Infantry Battalion ilang headquarters sa Cagayan de Oro samtang dili pa kini ideploy.

Matud ni Villanueva nga ila pang ipailawom sa pag-edukar, pagbansay-bansay kabahin sa mga kondisyon, palisiya, direktiba ug regulasyon sa 4th ID tungod kay gikan kini sa 9th ID nga nakabase Bicol Region.


Sigun sa commander nga mas makaayo usab nga masayran sa maong mga sundalo ang mga sumbanan ug patakaran sa nagkadaiyang kultura ug tradisyon sa mga lumad sa Mindanao.

Apil usab daw sa ilang imbitahan ang mga tribal leader sa mga indigenous peoples aron mapasabot ang mga kulturanhong sumbanan sa mga lumad.

Dugang ni Gen. Villanueva nga dili lamang mga IP’s kon dili apil na sa ubang tribu apil na ang mga bisaya ug ilonggo tungod kay lahi ang Mindanao kaysa Bicol.

Gilikayan usab nila nga makasupak sa tawhanong katungod.

Mahinumduman nga dili pa lamang dugay gi-install sa 4th ID ang 88th Infantry Battalion sa lungsod sa Maramag, Bukidnon.

Sa karon adunay tulo ka batalyon ang probinsya nga naglangkob sa 8th IB, 88th IB ug 1st special forces battalion.

Facebook Comments