4TH quarter 2018 sa Sarangani gikonsidera nga “GOLDEN MONTHS”

Sarangani Province–Gikonsidera sa kadaghanan nga “Golden Months” sa Sarangani Province ang 4th quarter karong tuiga 2018 gikan atong bulan sa Oktubre hangtud ning panahuna.

Sa nagpadayon nga Year-End Review, gitagaan og award ang Provincial Government sa Sarangani gikan sa Save the Children Philippines og sa National Council for the Welfare of Children tungod kay nag-inusarang lugar kini sa tibuok Pilipinas nga unang nagpatuman sa Comprehensive Emergency Program for Children, masiguro lang nga maayo ang kahimtang sa mga kabataan apil na ang ilang mga inahan panahon sa pagbakwit tungod sa kalamidad og katalagman.

Baynte-syete (27) kabuok pud nga health awards ang nahakot sa Sarangani Provincial Government og sa mga municipal LGU gitunol mismo ang mga awards gikan nila DOH Assistant Secretary Abdullah Dumama. Nagmalampuson ang Sarangani sa ZOD Program buot pasabot aduna nay comfort room ang kadaghanan sa mga panimalay, wala napuy natalang nasakit sa malaria, og hataas ang porsyento sa mga batang nag-eskwela nga nabakunahan.


Gikalipay na lamang nila Governor Steve Chiongbian Solon tungod kay gipili sa National Youth Commission NYC nga mahimong Mindanao-wide venue ang Sarangani Province sa nahitabo atong Oktubre sa munisipyo sa Kiamba nga labing una nga Conference of Youth, Youth in Climate Change Action kung diin anaa mismo ang mga kabatan-unang lideres sa entiro Mindanao nitambong kuyog si NYC Commissioner Paul Anthony Pangilinan, aron padayon nga ma-protektahan ang kinaiyahan sa Mindanao og sa entiro nasud.

Facebook Comments