5-11 years old vaxx sa Davao hinay ang turnout

38
Davao City – Gibutyag sa Davao City Coronavirus Disease 2019 (COVID-19) Task Force (TF) nga hinay ang turnout sa pagbakuna sa mga nag-edad og 5 to 11 years old.

Sumala ni Dr. Michelle Schlosser, tigpamaba sa Davao City COVID-19 TF (sa interbyu sa city-owned radio), sa pinakaulahing datos, sa target nga kapin 200,000, anaa pa lamang sa 7.46% sa nahisgutang age group ang nakadawat sa ilang first dose, samtang anaa sa 6.13% ang nakadawat sa ikaduhang dose sa bakuna.

“Ang atoa lang gyong concern karon is medyo hinay ang turnout nato sa atoang 5 to 11 years old. Gamay lang gyud siya sa atoang target population nga 242,000 na 5 to 11 years old,” butyag ni Schlosser.

Padayong gipanawagan ni Schlosser ilabina ang mga ginikanan nga pabakunahan ang ilang mga anak aron kini magbaton og proteksyon batok COVID-19 ilabina karon nga gibalik na ang face-to-face (F2F) classes.

Dugang sa health official, tungod kay dili requirement ang bakuna sa F2F classes, pakusgan pa sa Department of Health (DOH) ug Local Government Unit (LGU), ang education information campaign pinaagi sa school-based vaccination.

RadyoMaN Kirby Manzon

Facebook Comments