5-anyos babaye nahulog sa creek, nalumos

23

Davao City – Daling gidala sa tambalanan ang 5 anyos nga babayi human nahulog sa creek ug nalumos kagahapong adlawa (Mayo 21, 2021) atol sa kusog nga pagbundak sa ulan.

Sa interbyu sa DXDC RMN Davao kang Yani, usa sa personahe sa Davao City Disaster Risk Reduction and Management Office (CDRRMO), gibutyag niini nga daling girespondehan sa Barangay Disaster Risk Reduction and Management Council (BDRRMC) sa Maa ang insidente partikular na sa Purok 20, Lower Sanggilangan, Maa, ning syudad.


“Naa pod ‘tay reported drowning incident but the victim was retrieved by the BDRRMC Maa. Nadala napod siya sa ospital, Brokenshire hospital po,” segun sa CDRRMO personnel.

Sa interbyu usab sa DXDC RMN Davao sa Maa Barangay DRRMC, gibutyag niini nga alas 5:30 sa hapon na-report ang insidente ug nadala sa hospital ang biktima alas 6:25 sa gabii.

Nasayrang nagdula samtang naligo og ulan ang bata ug na-slide kini sa gamay nga creek padulong sa Davao River hinungdan sa iyang pagkahulog ug nalumos.

Pahimangno sa awtoridad sa mga ginikanan nga i-monitor ug bantayan ang mga anak ilabi na panahon sa kusog nga pag-ulan aron malikayan ang unsa mang disgrasya.



RadyoMaN Kirby Manzon


Facebook Comments