5 ka bulang mabdos samdan sa pagpamusil

18

South Cotabato- Angol ang usa ka babayeng mabdos atol sa pagpamusil nga natigayon alas 6:40 ang takna kaganinang buntag sa may Barangay Zone 1, Koronadal City.

Giila ang biktima nga si Mary Grace Tolentino, 28, 5 ka bulang mabdos, ug residente saBarangay Zone IV, Koronadal City.

Sa inisyal nga imbistigasyon sa Koronadal City PNP nasuta nga sakay sa van ang biktima nga gimanihuan sa driver nga si Omar Ampatuan, 34 anyos.

Kalit lang matuid pa nga adunay 2 ka lalaki nga sakay sa bajah nga motorsiklo kansa mibunlot ug pusil punting sa van.

Nakit-an sa driver ang gihimo sa suspek mao nga iyang gisuwayan nga banggaan ang mga nasangpit apan nakapabuto na ang mga suspek kansa maoy niigo sa abaga sa biktima.

Paspas nga misibat ang mga suspek samtang si Tolentino, daling gidala sa ospital.

Subay sa pahayag sa kapulisan dili ang mabdos ang target sa pagpamusil. Wala hinuon nila gibutyag kung si kinsa gyud ang posibling target sa mga suspetsado. Sa karon nagpadayon ang gihimong imbistigasyon kalabutan sa insidenti.

Facebook Comments