5 ka eskwelahan sa Davao girekomenda sa LGU sa F2F classes

31

Davao City – Anaa sa lima (5) ka mga eskwelahan sa syudad sa Davao ang giendorso sa lokal nga gobyerno ngadto sa Department of Education (DepEd) alang sa face-to-face (F2F) classes.
Gibutyag ni Davao City Mayor Sara Duterte-Carpio (sa interbyu sa city-owned radio) nga ang maong mga eskwelahan napili subay sa ranking sa Coronavirus Disease 2019 (COVID-19) risk assessment apan magdepende gihapon kung kini aprobahan sa DepEd ug mao kini ang :
NATIONAL HIGH SCHOOLS with SENIOR HS PROGRAM: Dalagdag NHS sa Brgy. Dalagdag G. Tajo NHS sa Brgy. Lampianao Saloy NHS sa Brgy. Saloy
ELEMENTARY SCHOOLS with KINDER: Mabuhay ES sa Brgy. Mabuhay Gumitan ES sa Brgy. Gumitan
Pipila usab sa mga guidelines nga gilakip sa City Government of Davao mao ang pagsigurong bakunado ang kabahin sa F2F classes.
“Ang i-allow nila nga mo-report nga teaching and non-teaching personnel are fully vaccinated or 2 doses vaccinated, including the students who are 18 years old and above. So, kadtong mga Senior High School nga 18 and above na, they must be fully vaccinated,” sulti sa alkalde.
Samtang, kung dili bakunado ang estudyante, mamahimo silang mag-modular sa ilang panimalay.
Usa usab sa guidelines mao ang shifting schedule ug 50% room capacity ug ang paggamit sa SafeDavao QR (DQR) ug pag-excuse sa estudyante nga adunay gibati nga simtomas.

RadyoMaN Kirby Manzon


Facebook Comments