5 ka miyembro sa NPA, ni-surrender

Nisurender ang dugang miyembro sa New Peoples Army kon NPA ngadto kang Lt. Col. Ronald Illana, Commander sa 8th Infantry Battalion sa Barangay Poblacion, Impasug-ong Bukidnon.

 

Kini ang nasayran sa dxCC-RMN Cagayan de Oro gikan sa RMN Malaybalay, Bukidnon.

Apil sa gi-surrender sa lima ka mga NPA combatants ang mga armas.


 

Ang mga ni-surrender mao silang alias Lucas, 49 anyos nga taga- Loreto, Agusan del Sur dala ang iyang usa ka cal. 30 M1 Garand Rifle; alias GM, 22 anyos dala ang iyang Cal. 22 rifle; alias Pigong, 18 anyos dala ang iyang Cal. 22 rifle; alias Boy, 25 anyos dala ang 1 ka cal. 22 rifle ug alyas Cobra, 24 anyos dala ang usa ka cal. 9mm sub machine gun.

 

Ang upat pulos taga lungsod sa Cabanglasan, Bukidnon.

 

Dungan niini gibutyag sa maong mga rebel returnees nga ang kakapoy, diskriminasiyon sulod sa ilang grupo ug wala natuman nga pasalig ang nagtukmod kanila aron mutahan ug manginabuhi nga normal uban sa ilang mga pamilya.

 

Gi-ila usab ni Lt. Col. Illana nga ang paningkamot sa tropa sa kasundaluhan nga adtoon ang mga lagyong barangay ug sitios subay sa Community Support Program.

Facebook Comments