LOOK! 5 ka sakyanan nalambigit sa disgrasya sa National Highway sa Brgy. Boyongan, Placer, Surigao del Norte. An mga nalambigit sa disgrasya an Philtranco Passenger Bus na may Body No. 1853, na may Plate No. ACA-9778 ug nakarehistro sa PHILTRANCO SERVICE ENTERPRISES, INC. ug tagmaneho ni ALFREDO SINOY SIMBAJON, 52 anyos, residente sa Pasay City. Nasamdan ug nakaangkon nan mga bun-og an mga pasahero na sila Susan Godez Lorenzo, 41 anyos, Carmelita Godez Tampos, 49 anyos, Linda Plaza Anob, 56 anyos, Elvira Rodriguez Tejio, 47 anyos ug Claire Egar Garrido, 21 anyos. Ikaduha na sakyanan, an kolor Silver Metallic Toyota Hi-Lux na may Plate number 150101 ug tagmaneho ni Eufemia Tocong Bentayan, 48 anyos, taga-Butuan City na kon diin may karga na pipila ka sako sa saging ug may mga pasahero na nakaangkon nan minor injuries, nakilay-an na sila ni Jacinta Tocong Villas, 61 anyos ug Juditha Tocong Solano, 59 anyos, pareho residente sa P-4, Brgy. Doongan, Butuan City. Ikatuyo na sakyanan an kolor Yellow Tricycle na tagmaneho ni James M. Jamero, 31 anyos, residente sa Placer, Surigao del Norte. Ikaupat na sakyanan, an kolor Silver metallic Toyota Hi-Lux na may with Conduction Sticker No VD6426, naka-rehistro sa GREENSTONE RESOURCES CORPORATION ug tagmaneho ni Sannie Lopez Yparraguirre, 36 anyos ug residente sa Mainit, Surigao del Norte. Ikalima na sakyanan, an kolor puti na Isuzu Truck na may plate number TOF-209, nakarehistro isab sa PHILEX MINING CORP ug tagmaneho ni Alejandro Liray Bonite Jr, 35 anyos, residente sa Tubod, Surigao del Norte. Sa inisyal na imbestigasyon sa PNP, an Bus an nagsubay gikan Surigao City pasingod unta sa Butuan City, pag-abot sa National Highway nan Brgy. Boyongan, Placer, Surigao del Norte sa paubos na bahin sa highway, nabantayan sa driver na miliko gamay an bus resulta sa kabasa sa dayan ug uyan. Misuway pa pagkabig an driver sa normal na posisyon pero nawad-an na nan kontrol ug midiretso dusmog ngadto sa kasugat pa na mga sakyanan. Sa kakusog sa impact, an bus an mitabok pa sa atbang na bahin sa highway. An tanan pasahero na nasamdan ug nabun-og an puros tagdaya sa hospital para katambayan. > > > > > >
