5 million pesos, gibana-banang structural damage sa pagkasunog sa bodega sa PLDT kaganihang buntag

PC: RadyoMaN Jao Gumapac ug RadyoMaN Jonathan Bullo

Gibana-banang mokabat sa 5 million pesos ang structural damage sa pagkasunog sa bodega sa PLDT sa Max Suniel Street, Barangay Carmen ning syudad kaganinang alas-4:06 sa kadlawon.

 

Gibutyag ni SFO3 Samson Velarde, ang hepe sa  fire  station sa Barangay Carmen nga ang bodega sa PLDT puno sa mga cable wires, electronic equipment ug mga combustible materials apan wala pa masayri unsay hinungdan sa pagkasunog niini.

 

Dugang pa ni Velarde,  nga ang  nasunog mga   rubber insulators   gikan sa tonii-toninadang cable wires  nga maoy naghatag kalisod sa mga fire fighters sa pagpalong sa sunog, nga miabot sa 4th alarm.


 

Gibutyag sa Bureau of fire protection nga mga alas 4:06 sa kadlawon gi-declare sa BFP ang first alarm; 4:07 2nd alarm; 4:08 3rd alarm  ug 4:13  ang  4th alarm.

 

Gipahayag usab ni District City Fire Martial Col. Allan Cabut nga mga alas-7:40 kaganina sa buntag dihang gi-declare nila ang insidente nga “fire confined”.

 

Kini nagpasabot nga napugngan na sa mga bombero ang pagkaylap sa kalayo sa silingang mga boarding houses nga anaa sa likod sa bodega.

 

Mga alas-9:19 na kaganina sa buntag dihang gideklara sa BFP nga fire control na ang kalayo sa mga fire fighters.

 

Nasayran nga ang kalulang sa ventilation sa maong bodega ang  usa sa rason, nga naglisod ang mga bombero pag-atraka sa dakong kalayo.

 

Gikabutyag nga ang bodega sa PLDT morag  nahimong pogon tungod kay adunay firewall sa likod  ug  gilibutan kini sa corrugated metal sheets sa atubangan ug kilid niini.

 

Matud ni Cabut nga nalangan ang ilang fire fighting operations kay nahutdan sa Oxygen ang ilang mga fire fighters nga maoy ilang gigamit nga “breathing apparatus” sa ilang operasyon.

 

Hinuon, walay na-injured atol sa sunog nga padayon pa karong giimbistigahan kung unsay hinungdan.

Facebook Comments