5 sa 8 ka mga nadisgrasyang pulis na-discharge na

Davao City – Stable na ang kondisyon sa mga personahe sa Regional Mobile Force Battalion 11 lakip na usa ka opisyal sa Davao Occidental Police Provincial Office nga mga nangaangol human nahulog ang ilahang gisakyang Patrol Vehicle sa pangpang sa Sitio Lutangan, Kapatagan, Digos City.

Sa interbyu sa RMN Davao kang Police Major Eudisan Gultiano, PRO XI spokesperson, lima nga adunay minor injuries nga naka-confine sa Camp Quintin Merecido Hospital na-discharge na.

Usa sa mga pulis nga nakahigaom og clavicle fracture stable na ang kondisyon ug naka-schedule nga i-CT scan ug i-swab test, ang usa pa ka pulis nga naka confine sa Bansalan Hospital stable na usab ang kondisyon ug naka-sechedule alang sa orthopedic surgery ang usa pa ka pulis tungod sa multiple fractures.


Giila ang mga naaksidenteng mga pulis nga sila Police Lieutenant Colonel (PLTCOL) Rey Philippe Armigos (S9, DOCPPO), Police Lieutenant (PLT.) Nico Avel Querubin (1102nd Coy, RMFB 11), Patrolman (Pat) Jino Dela Cerna (TSC, RMFB 11), Police Executive Master Sergeant (PEMS) Eduardo Madanlo (TSC, RMFB 11), Police Staff Sergeant (PSSg) Dec Anthony Acosta (TSC, RMFB 11), Patrolman (Pat) Melvin Villarta (TSC, RMFB 11), Patrolman (Pat) Rejay Tambis (Action PNCO, RMFB 11) ug ang driver nga si Patrolman (Pat) Miguel Ugsimar (TSC, RMFB 11 ).

Gibutyag ni Gultiano, mga security escorts ang mga biktima sa validating team gikan sa National Headquarters, nawad-an og kontrol sa manobela ang drayber nga pulis sa patungas nga dalan ug aron dili mapagan ang nagsunod nga sakyanan atol sa pag-maneuver sa drayber nahulog kini sa pangpang.

Gibisita ni Police Brigadier General (PBGEN) Filmore Escobal, PRO 11 Regional Director ang mga biktima ug nipasalig nga tabangan kini sila sa medical ug financial assistance.

RadyoMaN Aimee Guinita

Facebook Comments