50% capacity ipatuman sa reopening sa sinehan

37

Davao City – Hugot nga ipatuman sa mga sinehan ang minimum public health standards batok Coronavirus Disease 2019 (COVID-19) sa planong pag-resume sa operasyon sa cinemas sa mga dagkong mall sa syudad sa Davao.

Matud ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio), ilawom sa Inter-Agency Task Force (IATF) Resolution nga ginasunod sa Local Government Unit (LGU), mamahimo na nga mag-operate ang mga sinehan ilawom sa COVID-19 Alert Level 2 kung diin gipailawom karon ang dakbayan.

“Under IATF Resolution nga gina-follow nato diri sa Davao which is kadtong gi-release nila November 11. Under Alert Level 2 pwede na gyud ang cinemas, as long they will follow the minimum public health standards,” matud ni Schlosser.


Giklaro sa health official nga bisan og gitugot ang sinehan ilawom sa Alert Level 2, kinahanglang istriktong masunod ang 50% capacity sa venue subay usab sa guidelines sa Department of Trade and Industry (DTI).

Pipila ka mga malls sa syudad sa Davao ang nagpahibalo na nga sa December 1, 2021 subling ma-enjoy sa publiko ang sinehan human gisirad-an tungod sa pandemya.

RadyoMaN Kirby Manzon



Facebook Comments