50 ka mga centenarians sa rehiyon dose nakabaton na sang insentibo kag sertipikasyon subong nga tuig.

10

Nagalab-ot na sa 50 ka mga centenarians sa rehiyon dose ang nakabaton sang insentibo kag sertipikasyon subong nga tuig base sa datos sang Department of Social Welfare and Development Office ukon DSWD 12.
Ini matapos nga isa pa ka centenarian nga nagaedad sang 103-anyos sa Lambayong, Sultan Kudarat ang nakabaton sang insentibo kag sertpikasyon nga mismo si DSWD 12 Regional Director Restituto Macuto ang naghatag upod si Commission of Senior Citizen Commissioner Edwin Espejo kag local government officials sang Lambayong.
Pahayag ni RD Macuto umpisa sang 2016 yara na P61, 000,000.00 cash incentive kag felicitation nga pirmado ni Presidente Rodrigo Duterte ang nahatag sa 610 ka mga centenarians.
Nahibaluan nga sa idalom sang Republic Act No. 10868 ukon ang “Centenarians Act of 2016”, tanan nga Filipino nga nagaedad sang 100 ang makabaton sang P100,000.00 nga cash incentive halin sa national government bilang “centenarian gift” kag dugang nga insentibo halin naman sa tagsa nila ka mga local government unit (LGU).

Facebook Comments