50 ka mga lechong baka saluhan sa Parada

31

Davao City – Ipang-apod apod karong alas 10 o alas 11 sa buntag ang food packs nga giandam sa lokal nga panggamhanan alang sa mga dabawenyo ug mga bisita nga makigduyog sa Parada Dabawenyo partikularminte sa CM Recto St. ning syudad sa Davao.

Gani lakip sa ipanghatag nga food packs mao ang lechong baka diin 50 ka mga lechon ang saluhan. Sumala ni Atty. Raul Nadela Jr., chief of staff ni Davao City Mayor Inday Sara Duterte- Carpio nga ang pagpangapod-apod og mga pagkaon maoy pamaagi sa lokal nga gobyerno sa pagpasalamat sa mga makigduyog ug misalmot sa tinuig nga selebrasyon sa dakbayan.

Ang maong mga pagkaon gikan sa lokal nga gobyerno sa syudad kauban ang Pilipinong may Puso Foundation ug Petron Foundation. Ang Parada Dabawenyo usa sa mga highlights sa ika 81st Araw ng Davao.

RadyoMaN Renz Barbarona

Facebook Comments