Davao City – Gibutyag sa Local Government Unit (LGU) sa Island Garden City of Samal (IGaCoS) nga gibana-banaang anaa sa kapin 50% sa mga resort sa isla ang maka-operate na sa Lunes, Marso 1, 2021.
Sa interbyu sa DXDC RMN Davao kang IGaCoS Mayor Al David Uy, gibutyag niini nga anaa sa kapin usa ka gatus (100) ang resorts sa Samal ug anaa katunga sa maong ihap ang laumang balik-operasyon sa Lunes, sa kondisyon nga hugot gihapon nga ipatuman ang health and safety protocols batok Coronavirus Disease 2019 (COVID-19) sama sa ‘no booking, no entry’ policy ug ubang pang guidelines sa resorts.
“By Monday, siguro I’m expecting kadtong mga natagaan og accreditation last year sa DOT (Department of Tourism). Ang total resorts Samal is mga more than 100 man. I’m estimating siguro more than half ana maka-operate na,” segun ni Uy.
Matud ni Uy, mag isyu usab og temporary QR (Quick Response) Codes ang resort nga gamiton sa mga turista aron makasulod sa pantalan, o ang sistema nga gipatuman ayha pa man gipahunong ang operasyon sa resorts sa lugar tungod sa nagkataas nga kaso sa COVID-19.
Una nang gibutyag sa Alkalde nga ginatugotan nila ang resorts nga mag abli samtang naga proseso sa ilang dokumento diin gi-waive sa LGU ang penalty ug gi-extend ang application ug renewal sa business permits tungod sa lisod nga pag proseso tungod sa pandemic.
RadyoMaN Kirby Manzon
