53 ka kaso sang tipdas narecord sa Bacolod, 22 ka barangay apektado

1415

BACOLOD CITY – Ginpaathag karon sang Environmental Sanitation Division sang Bacolod City Health Office kon nga-a gin label pa lamang nga “suspected measles case” ang ginasiling kaso sang tipdas sa ciudad.

Suno kay CHO Environmental Sanitation Division head Dr. Grace Tan nga wala sang may reported nga death ukon napatay sa Bacolod City bangud sang measles ukon tipdas rason nga ang mga kaso nga na-record ang gina-label pa gid lamang nga “suspected.”


Nahibaluan nga may yara sang 53 ka kaso sang “suspected measles rubeola” sa ciudad kon diin 22 ka mga barangay ang apektado sini.

Nagapanguna sini nga mga barangay nga may pinakadamo nga kaso amo ang Brgy. Taculing nga nagdangat sa 9, ginsundan sang Brgy. Mansilingan nga may 6 ka kaso, apat sa Brgy. 14 kag tag-3 ka kaso sa Brgy. 25, Alijis, Estefania, Brgy. Handumanan kag Granada./dyHB BACOLOD

Facebook Comments

From Advertisers