[image: IFM 919 Logo (1).jpg]
Ospital ang gitugpahan sa 55-anyos nga babaye human nabanggaan og traysikel niaging buntag sa Diversion Road, Purok Ondok Gawan, Barangay San Jose ning siyudad.
Base sa impormasyon gikan sa Traffic Management Unit sa GSCPO giila ang ginang sa pangalang Maria Daisy Benian, minyo ug residente sa Ondok Gawan sa maong barangay.
Samtang ang traysikel drayber naila si Nicky Verano, 32 anyos, ulitawo og residente sa Prk. 16, Blk. 15, Brgy. Fatima ning siyudad.
Base sa imbestigasyon nitabok sa dalan ang babaye samtang naglawig sa maong dalan ang tricycle driver paingon og Gensan Airport.
Mibalik sa giagian ang babaye tungod nahagbong ang iyang bonnet og napunggit sa traysikel hinungdan nakaangkon og bun og sa kalawasan.
Gidala sa ospital sa Calumpang ang ginang apan gibalhin sa pribadong ospital sa downtown area.
Nagkasinabot usab ang duha ka partido og misaad nga magtinabangay para sa medikasyon sa biktima.
