Nasapwan nga nagalutaw sa canal kag wala na sang kabuhi ang isa ka 56-anyos nga lalaki sa Prk. Malipayon, Brgy. San Vicente, Sto. Niño, South Cotabato, kahapon nga adlaw, Nobyembre 23, 2020.
Ginkilala ang biktima kay Fernando Bernabe Calmerin , Alias “Nanding” 56-anyos, single, jobless kag residente sang Sitio, Tunga, Brgy. Sajaneba, Sto. Niño, South Cotabato.
Sa imbestigasyon sang Sto. Niño MPS alas 11:30 sang aga sa amo nga adlaw sang ang duha ka mga persona ang nagapamulot sang lubi sa nasambit nga lugar sang nakit-an nila ang biktima nga nagalutaw sa canal
Sa pahayag naman sang pamilya sang biktima nga yara ini sa impluwensya sang makahulubog nga ilimnon bag-o pa man nagbiya sa ila nga balay padulong sa namatyan.
Nagagwa man sa imbestigasyon sang kapulisan nga nalumos ang biktima tungod sa sobra nga kahulugbon, matapos nga wala man sang nakit-an nga indikasyon nga may foul play sa kamatayon sini.
