57 ka balay sa duha ka barangay sa banwa sang Pontevedra gin-lockdown matapos may duha ka nagpositibo sa covid

35

Gin-lockdown ang 32 ka mga balay sa sitio Colonia, Brgy. Don Salvador Benedicto kag 25 naman ka mga balay sa Purok 1, Brgy.1 Poblacion sa banwa sang Pontevedra matapos nga ginrekomendar sang Municipal Covid-19 Task Force.

Ini matapos nga nagpositibo sa swab test ang 32 anyos nga taga sitio Colonia sadtong Hulyo 3, samtang nag abot naman ang swab test sang patient #2 kaina kag ini sya ang nag positibo.


Si patient #2 sa ka 26 anyos nga frontliner nga pumuluyo sang Purok 1, Brgy.1 Poblacion.

Base sa pahayag ni Mayor Jose Maria Alonso nga naka direct contact si patient #1 kay Patient #2.

Bangud sang pagpositibo sang duha isa ka Executive Order ang ginpagwa ni Mayor Jose Maria Alonso nga nagadeklarar sang pag-implementar sang local community lockdown sugod alas dos sang hapon kaina Hulyo 4, 2020.

Ang tanan nga mga pumuluyo sang mga nasambit nga lugar ginahingyo nga mag kooperar kag magpabilin nga kalmante.

Samtang ang lokal nga Gobyerno sang Pontevedra magahatag sang ayuda sa tanan nga maapektuhan sang sini nga local community lockdown.




Nagapangabay naman si Mayor Alonso sa tanan nga magbulig sang pagpangamuyo, magtiner sa balay, mag disinfect, kag magsoksok sang facemask agud matapna ang paglatun sang masakit nga COVID-19.

[image: image.png] [image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments