58 anyos nga lalaki, patay nang nakit-ang naglutaw sa suba ning syudad

Patay nang nakit-an kagahapon sa buntag ang 58 anyos nga si Rosito Junayon nga taga Biasong, Barangay Macasandig ning syudad.

Naglutaw na lamang nga nakit-an ang biktima daplin sa suba sa Balulang, Cagayan de Oro nga wala nay sinina.

Gikabutyag nga nailhan si Junayon tungod sa gisuot niining relo kinsa niadto pang Domingo wala na makauli sa ilang balay.


Matud pa ni SPO4 Fernando Laspoña, ang imbestigador sa Carmen Police Station nga walay foul play sa kamatayon sa biktima, kinsa nakasinati matud pa sa depresiyon human matangtang sa iyang trabaho.

Basi sa inisyal nga imbestigasiyon sa Scene of the Crime Operatives nga si Dr. Christian Caballes, nga wala’y foul play sa kamatayon sa biktima.

Matud ni Caballes nga mga samad sa dagway lamang nga posibling pinaakan sa mga isda ang ilang nakita human kini naglutaw-lutaw sa tubig sulod sa pipila ka adlaw.

Sa karon, naa na sa Bollozos Funeral Homes sa Bulua ang patayng lawas sa biktima ug giatiman na sa pamilya.
web photo

Facebook Comments