Nakabsan sa iyang hinulamang kinabuhi ang usa ka lalaki human kini nabangga-an sa naghaguros nga auto sa may Barangay Tomas Cabili ning dakbayan sa Iligan alas 12 kapin kun kulang ang takna kagabie.
Biktima nailang si Victor Siarbo, 59 anyos, dunay ka live-in, driver ug molupyo sa Purok 14 sa nasangpit nga barangay.
Sumala pa, nga gikan misaksi sa kalingawan sa gym ang biktima, apan sa dihang patabok na kini kalit nalang kining nabangga-an sa nasangpit nga auto nga gimaneho sa usa ka babae .
Gidala pa sa Mercy Community Hospital ang maong biktima apan nakabsan kini sa hinulamang kinabuhi human usab makaangkon ug dakong kadaot sa ulo niini.
Ang nakabangga nga driver gidala sa presento dos ug posibleng mag atubang ug kaso.
Facebook Comments
