59 ka mga establishemento sa Region 12, mihangyo ug exemption sa pagpatuman sa P10 nga increase sa sweldo

Mokabat sa 59 ka mga distressed establishments kon mga buhatan nga apektado sa Covid19 pandemic sulod sa Rehiyon Dose ang nag-apply ug exemption sa implementasyon sa second trance sa wage order number 21 nga mohatag ug P10.00 nga usbaw sa suhulan subay sa Regional Tripartite Wages and Productivity Board (RTWPB) 12.

Sa 59 ka mga establishemento nga miduso ug exemption, gibutyag ni RTWPB 12 Secretary Jessie dela Cruz nga mokabat na ngadto sa 54 ang naaprobahan sa wage board nga dili una magpatuman ug P10 nga usbaw sa suhulan.

Samtang ang lima niini ang pending pa ang aplikasyon tungod wala pa nakasubmitar ug mga igong requirements. Lakip sa i-comply sa kompanya nga requirements sa pagpangayo ug exemption ang affidavit, total losses kon kinatibuk-ang lugi ug aprobado sa grupo sa mga empleyado ang pagpalugway sa usbaw sa suhulan.


Gipaklaro usab ni Dela Cruz, nga kadtong mga kompanya nga nakahatag na ug second trance nga increase sa mga empleyado ang dili na mamahimong bakwion human nga kini epektibo sugod niadtong Mayo 1 karong tuiga. Samtang molungtad ang wage exemption sa mga nahisgutan hangtud sa Pebrero 2021.

Facebook Comments