Unom ka tawo ang na-angol apil na niini ang duha ka gagmayng bata human usa ka ten-wheeler nga dump truck ang nidaro sa usa ka balay didto sa Transcentral Highway Cansomoroy lungsod sa Balamban .
Ang dump truck nga gimaneho sa drayber nga si Socrates Alcos taga Pungdol Balamban giingong nawad-an ug brake hinungdan nga nadaro niini ang panimay sa mga biktima .
Ang mga na-angol mao ang usa ka ginang nga si Gemma Ardillo 58 anyos apil na ang iyang duha ka mga anak nga babaye nga sila si Divina Ardillo , 27 anyos ug ang pito ka buwan pa nga anak niini .
Ang laing anak ni Gemma nga si Jocelyn Ardillo Pamas , 24 naangol usab lakip na ang iyang usa ka dos anyos nga anak nga lalaki .
Ang balay sa mga Ardillo nahimutang sa daplin sa karsada hinungdan nga didto nadusmo ang truck nga gimaneho ni Alcos dihang giingong nawad-an kini ug brake .
Gitanggong sa kapolisan ang truck driver alang sa himoon nga dugang imbistigasyon.
