6-yo nga ungang babaye nga nahueog sa suba ag inanod ko adlaw nga Sabado sa parte it Brgy. Bulwang, Numancia (istaka) padayon pa nga gina usoy

7

Numancia, Aklan – Padayon pa makaron rong ginapatigayon nga search and retrieval operation it mga taga MDRRMO Kalibo, MDRRMO Numancia ag PDRRMO Aklan sa sangka 6 nga dag-ong unga nga babaye matapos nga mahueog raya ag inanod sa suba nga sakop it Brgy. Bulwang partikular sa punta tulay ko adlaw nga Sabado.
Ro unga nakilaea kay Feona Kera Obamos.
Kung matandaan nga basis a inisyal nga imbestigasyon it Numancia PNP nga nag-adto rong biktima sa punta tulay kaibahan ro anang lola ugaling imaw ra hay nagpanaog- saka sa hagdan hagdan kong istaka ag pag abot sa ikaywang halimtang imaw hay nadanlog, nahueog ag inanod.
Nasayuran nga nagbakasyon eamang rong unga iya sa Aklan ko Disyembre 26 ay idto ta raya nag bahoe sa Sapian, Capiz apisar nga ro anang ginikanan hay iya naga tinir sa Aklan.

Facebook Comments