62 ka barangays sa SOCCSKSARGEN mahatagan sang pondo sa idalom sang Support to Barangay Development Program sang DILG 12.

Kabug-usan nga 62 ka barangays sa SOCCSKSARGEN ang makabaton sang pondo subong nga tuig sa tion nga makumpleto nga masubmitir ang kinahanglanon nga technical documents sa idalom sang government`s Support to Barangay Development Program sang Department of Interior and Local Government ukon DILG 12.
May-angot sini, ang Project Development Management Unit (PDMU) sang DILG 12 ang magapatigayon sang orientation sa mga barangay beneficiaries halin sa mga probinsya sang Sarangani, Sultan Kudarat, Cotabato, kag South Cotabato umpisa sang Pebrero 22, 23, 24, kag Marso 1.

Sang tinalikdan nga adlaw ginpaidalom na sa orientation ang pito ka mga barangay sa Kidapawan City sa probinsya sang Cotabato nga benepisyaryo sang national government’s Support to Barangay Development Program .
Ginpondohon suno pa ini sang National Task Force to end Local Communist Armed Conflict (NTF-ELCAC) sa diin makabaton sang P 20 million ang kada naidentify nga communist terrorist group (CTG)-cleared barangay beneficiaries.
Ang mga development projects nga i-implementar ang ginalakipan sang farm-to-market roads, school buildings, water and sanitation system, health stations, rural electrification; reconstruction, rehabilitation, repair, kag iban pa nga kapareho nga proyekto nga may kahilabtanan sa natural ukon human-induced calamities, epidemics, crisis tuga sang armed conflicts, insurgency, terrorism, kag iban pa; housing; COVID-19 vaccination, immunization, kag iban pa nga health related projects; agricultural, livelihood, kag technical vocational trainings ukon projects; assistance to indigent individual ukon pamilya kapareho sang medical, burial, transportation, food, cash for work, kag education.

Facebook Comments