63 anyos-naghikog tungod sa balatian

General Santos City—patay nang nakaplagan sa iyang step son ang 63 anyos nga lalaki human kining naghikog pinaagi sa pagpusil sa iyang kaugalingon sulod mismo sa iyang lawak sa ilang panimalay sa Provido St., Barangay City Heights Gensan.
Ang biktima giila nga si Manuel Peña 63, residenti sa samang lugar. Sa inisyal nga imbistigasyon sa Police Station 4, alas 6:15 ang takna sa gabie dihang nakaplagan nalang sa iyang step son nga si Jerry ang nahisgutang biktima sulod sa iyang lawak nga nagkadugo ug wasla nay kinabuhi.
Sumala pa nga natingala ang mga kaubanan sa panimalay sa nahisgutan human nga wala gyud kini migawas sulod sa iyang lawak hinungdan nga gisuta kini sa iyang step son.
Natingala si Jerry dihang pag abli niini sa pultahan, palong ang suga sa kwarto sa nahisgutan ug dihang iyang gisuta pasiga iyang nakit-an ang iyang step father nga naligo na sa iyang kaugalingong dugo.
Migula usab sa imbistigasyon nga alas 2:30 ngadto na sa alas 3:00 sa hapon nakadungog ug buto ang manghon ni Jerry apan wala niini panumbalinga tungod siya nag tuo nga usa ra kini ka trayanggolo, wala sila mag dahum nga nag hikog na diay ang biktima gamit ang iyang cal. 38 nga pusil.
Sumala sa asawa sa biktima nga si Marita Peña, uas ka magtutudlo nga ayha nahitabo ang paghikog sa biktima, daan na kini nakasinati ug depresyon gumikan sa iyang balatyian sa Kidney.
Ila na kining gipugos nga magpaospital apan wala misugot ang nahisgutan.
Ang gihambin niining balatian maoy gituohan sa kapulisan nga hinungdan sa pagpakamatay sa biktima. Hinuon sa pag-imbistiga sa otoridad wala silay nakit-ang foul play sa kamatayon sa 63 anyos nga si Peña.

Facebook Comments