6,406 ka ektaryang maisan sa Bukidnon nadamyos sa fall armyworm as of June 22, 2020

46

Gipamahayag ni Asst, Provincial Agriculturist Jacqueline Julia A. Lagamon sa nahimong imbitasyon kaniya sa Sangguniang Panlalawigan sa Bukidnon, nga mokabat ngadto sa 6,406.8 ka ektaryang luna nga gitamnan sa tinanom nga mais ang nahimong damyos sa *fall army worm* *as of June 22, 2020.* Mokabat usab ngadto sa 6,383 ka mga mag-uuma sa mais ang direktang naapektuhan sa maong insekto.

Gihisgutan usab ni Ms. Lagamon kung unsa ka delikado ngadto sa mga pananom sa mga mag-uuma sa mais sa atong probinsya kung dili kini mahatagan ug dritsong aksyon. Lakip sa mga hinungdan niini ang paspas nga pagdaghan sa mga insekto ug pesti, modaut sa nagkalain-laing tanom, mokalat sa mga luag kaumahan ug modaut sa mga pananom sa taas nga panahon.


Gisugyot ni 3rd District Board Member Ben Baguio <www.facebook.com/ben.baguio.3?__tn__=%2CdK-R-R&eid=ARDBLoaMSqDO67Rzbn70ZPWrpFfsxtLBrk3PFrPTI81W_4FmatJ9kN6HZGYBCPQoLXHM5S-2V7JotEk_> , ang Chairman sa Committee of Agriculture nga maghatag ug *proposal* ang Provincial Agriculture ngadto sa buhatan ni Gov. Zubiri aron maaksyonan ug magahinan ug pundo ang problema sa mga mag-uuma sa mais sa atong probinsya sa mas madali nga panahon.

Gisuportahan usab ni PCL Ex-Officio Board Member Atty. Oliver Garcia ang sugyot ni Provincial Asst. Agriculturist Lagamon nga magbutang ug laboratoryo para sa agrikultura dinhi sa atong probinsya aron mas mapalalom ang pagtuon aron mabatukan ang pagdaghan sa mga insekto ug pesti nga gadaut sa mga pananom sa mga mag-uuma dinhi sa Probinsya sa Bukidnon.

Facebook Comments