65-anyos nga misaka sa tower gitabangan sa LGU

Davao City – Gina-plastar na ang pagtabang sa 65-anyos nga babaeng adunay problema sa pangisip, nga misaka sa usa ka 140 feet cell tower sa Mabini Street, Magugpo South, Tagum City, Davao del Norte kagahapon sa buntag (Pebrero 3, 2021).

Sa interbyu sa DXDC RMN Davao kang Tagum City Mayor Allan Rellon, giila niini ang senior citizen nga si alyas Vina, adunay pito (7) ka anak, residente sa Purok Gulayan, Barangay Mankilam, Tagum City, diin nasayrang siya, iyang bana ug duha nalang ka anak ang kauban niini sa ilang balay.

Matud sa 65 years old nga misaka kini sa tower apan wala kini planong magpakamatay.


“Ana siya, Mayor dili man ko mag-suicide. Misaka lang ko… kay naa daw nitawag sa iyaha. Dapat gani daw alas-9 siya munaog. Ang iyang word nga mura’g espiritohanon na, like gisugo siya sa Ginoo, ingon ana,” saysay ni Rellon.

Gibutyag ni Rellon nga gawas sa pandemic, naghambin og laing problema ang ginang, sama sa problema sa iyang anak, trabaho, ug buot usab niining maka-avail sa housing program sa gobyerno, diin nagpuyo sila daplin sa usa ka creek. Nasayrang dala niini sa iyang pagsaka sa tower ang folder nga adunay dokumento sa pag-apply og resettlement.

“Dala na tanan siguro ang concern sa family, so mao nang gidala nako sa opisina after naka baba na siya (sa tower). Gi-pramisan man gud nako.. kung mubaba ka, kung yuta imong kailangan, ako mupasalig nga provide’an ka. So mao ‘to, gitawagan nako ang housing department namo, mo-alocate ‘mi’g yuta somewhere pud in Apokon,” matud ni Rellon.

Gawas sa pinuy-anan, gi-schedule na ang pagpa-check up kaniya pinaagi sa usa ka private psychiatrist. Samtang, gitanyagan og trabaho sa lokal nga gobyerno ang anak niini nga kasamtangang naga-online class sa kolehiyo, aron makatabang usab sa ilang adlaw-adlaw nga panginahanglan.

RadyoMaN Kirby Manzon

Facebook Comments