65 barangays sa Davao de Oro nga kanhi kontrolado sa NPA hataga’g proyekto sa gobyerno

Davao de Oro – Gipakusgan sa kasundaluhan ilawom sa 10th Infantry Agila Division Philippine Army ang kampanya batok insurhensiya pinaagi sa pagbubo og mga proyekto ngadto sa 65 ka mga Brgy. gikan sa onse ka lungsod sa Probinsya sa Davao de Oro nga kanhi kontrolado sa sakop sa New Peoples Army o NPA.

Ang mga proyekto nga ipatuman naglangkob sa farm to market road, water system, school buildings ug mga health center.

Ang maong pondo gikan sa Department of Management o (DBM) diin 129 ka mga proyekto ang ipatuman, 119 mga infrastructure project ug ang napulo livelihood program.


Subay sa report nga nahipos gikan sa 10th Infantry Agila Division, tumong sa maong programa nga matabangan ang katawhan nga nanimuyo sa mga lagyong lugar nga makabaton og dekalidad nga klase sa ilang pamuyo ug aron makab-ot ang malahutayong kalinaw.

Ang pagpili sa mga proyekto nga ipatuman base sa panginahanglan sa mga residente nga nanimuyo sa mga lagyong lugar ilawom sa gipakusgan nga Brgy. Development Program o (BDP).

RadyoMan Jules Catisay

Facebook Comments