GENERAL SANTOS CITY- Niabot og 67 ka pamilya ang nahimong apektado sa paghapak sa dagkong balod gahapon sa kadlawon sa Barangay Dadiangas West ug Barangay Dadiangas South.
Kini tungod sa epekto sa TD Marilyn nga may kusog nga hangin og pag-ulan.
Tulo ka purok sa Dadiangas West ug usa ka purok sa Dadiangas South ang gikahimutangan sa maong mga kabalayan.
Ang mga residente sa Purok San Vicente, San Roque ug San Juan sa Silway, Dadiangas West nanghikling human nadaot ang ilang balay.
Samtang sa Purok Tinago, Dadiangas South mihikling sab human nahugno ang panimalay tungod sa paghapak sa dagkong balod.
Gilayon nga nagpahigayon og assessment ang mga sakop sa barangay council sa duha ka barangay sa maong mga pamilya.
For more info’s and updates, like and share our official facebook account : www.facebook.com/ifm91.9Gensanofficial/
[image: apektado sa dagkong balod.jpg]
