Believe It or Not
Batan, Aklan — Suspendido kahapon it tunga sa adlaw rong klase sa Bay-ang – Magpag-ong National High School matapos nga 7 ka mga estudyante rong ginasugid ginsapian it kung anong maeain nga espirito kahapon it agahon ag pagka aga it Martes.
Para makabuoe it mga pagpahayag sa tagdumaeahan kung eskwelahan, ginikanan ag sa mismong mga estudyante ginpadueongan it RMN News Team rong lugar kaina.
Sa pakikipag-angot it News Team kay Mr. Ramar Baladjay, Principal it nasambit nga eskwelahan nga kahapon mga alas 7:00 it agahon hay may 5 ka mga estudyante rong nagkalipong, nagpaeamakod, naga sininggit ag naga iba rong awra kung sa siin nadugangan pa raya it daywa ka estudyante pagka aga.
Mismo si Mr. Baladjay hay uwa pa anay magkomperma nga gin sapian ro nasambit nga mga estudyante bangud nga padayon pa ro andang imbestigasyon sa hitabo.
Indi man anay pagpaadtunon sa eskwelahan ro nasambit nga mga estudyante nga naga eskwela sa Grade 7,8,9 ag 10 sa sueod it sang dominggo.
Rong tiya it sambilog sa mga estudyante nagpahayag nga samtang ginasugid ginsapian ro anang gumankon hay naghambae raya kana nga may anang nakitang bukon it ordinaryong tawo sa room rason nga gintawgan ta raya it albularyo.
Sambilog sa mga ginapanan aw kara hay may gina construct nga additional 3 story building sa lugar ag posible nga nadistorbo rong mga tag lugar ag nagpakita raya it pagbaeos ukon kaakig.
Kainang agahon uman nga nabalahuba rong klase ag rong mga maestra ag maestra bangud nga raya hay nauman rong kapareho kahapon.
Nagpatawag man eon it meeting rong tagdumaeahan it eskwelahan sa mga ginikanan ag sambilog raya sa mga naging topiko
Uwa anay it ginbuhian nga statement si Mr. Baladjay angot kara nga hitabo.
Hin aga bantayan sa RMN DYKR Kalibo sa Programang Unang Radyo, Unang Balita alas 4:00 it agahon hasta alas 6:00 it agahon ro mga pakikipag angot it RMN News Team.
