7 ka mga tawo nga nadakpan human nangilkil kang Mayor Moreno, detenado na sa Lumbia City Jail

31
PC: RadyoMaN Joana Ricote

Nasaka na ngadto sa Lumbia City Jail ang pito ka mga tawo nga nangilkil kang Cagayan de Oro City Mayor Oscar Moreno.

 

Matud ni Lt. Col. Raymund Liguden, ang OIC sa CIDG 10 nga niadtong July 17 nasaka na ngadto sa Lumbia City Jail ang mga responsable nga naila sa ngalan nga sila Ryan Mabborang, kinsa nagpa ila nga Police Col. Sifuentes, Mark Adrian Tan, Wilma Pangandigan, Thong Pangandigan, Mohaimin Ulimpaen, Sadam Taliba, ug Donna Bansil.


 

Nasikop ang pito niadtong July 11, atol sa gipahigayong entrapment operation sa CIDG human niini gipangayoan sa 1.3 million pesos si Mayor Moreno, may kalabutan sa kasong gi atubang sa iyang anak nga si Sean Moreno kinsa nadakpan sa Angeles City.

 

Samtang, gitin-aw niini nga padayong gisusi ang record sa pito ka mga suspects ilabina nga dili sila taga Cagayan de Oro ug dili taga Region 10.

Facebook Comments

From Advertisers