(WARNING: Graphic content — The following images and/or content may be disturbing to some viewers. Viewer discretion is strongly advised.)
NEGROS Occidental – Luslos ang panty, may labo sa puwak, wawa ang tyan samtang nag gwa ang tinae kag ginsunog sang wala kaluoy nga mga suspek si April Re-anne Padua, 7 anyos sang Hacienda Pula, brgy. Kapitan Ramon, Silay City, Negros Occidental sang makit-an ang iya bangkay sang martes alas singko sang kaagahon Abril 24.
Patay man nga tadtad sang labo kag ginsunog ang iya amay nga si Antonio Padua, 66 anyos.
Nasapwan sila sang manuglawig na kuntani sang iya karbaw si Michael Ocbina, 35 anyos nga nakaagi sa ila balay sa wayang sang sina nga aga.
Sa panaysayon sang iloy sang bata nga si Rogelia Padua, 44 anyos, nagasaulog sang birthday ang iya anak kag bana sang lunes sang gab-i, Abril 23 sang ginpatay ang mga ini.
Suno sa iya nga yara sya sa iya gina-ubrahan sa Talisay City sang natabo ang krimen. Sang sina nga gab-i, naga istorya pa sya sa telepono agud manawyaw sa anak kag hana mag istorya sa bana sa telepono sang hinali lang may nag singgitan sa pihak nga linya tubtob nag-out of coverage na ang telepono sang bana.
Ulihi na niya mahibakuan nga amo na yadto ang katapusan nga tion nga iya masugilanon ang palangga nga anak nga nagpaangga pa sa iloy nga nalipay gid sya sa ginpadala sini nga kwarta agud malutuan man sya sang amay sang paborito niya nga adobo nga tiil sang manok.
credit : RMN Iloilo Bacolod correspondent
