74 anyos nga ginang nabiktima sa ilad

16

General Santos City–Nagpatabang sa buhatan Police Station 4 ang usa ka Rosita Pardillo, 74 anyos nga nanimuyo sa Purok 2, Barangay Mabuhay ning syudad human nga mabiktima matud pa kini ug budol-budol gang alas 5:00 ang takna sa hapon.

Sumala pa ni Police Major Alex Lanstosa ang hepe sa Police Station 4 nga basi sa ilang imbistigasyon anaa matud pa sa Gaisano Mall ning syudad ang biktima sa maong higayon sa dihang kalit nga giduolan ug usa ka lalaki nga nagpaila nga iyahang paryente, dugay silang nag-estuya ug human ang pipila ka gutlo mihawa kini ug nagbilin ug usa ka parisan sa sandal.


Sa dihang nag-inusa na ang nahisgutan gidulan kini sa usa ka babae nga nagpaila nga usa ka langyaw nga nagpuyo sa Brunei ug mikanayon nga nagapangita kini ug masaligan nga tawo. Nagpatabang usab kini sa pagpalit ug mga chemical nga gamit sa iyahang fish pond sa atlas store nga nahimutang sa Cagampang, Street, Barangay South.

Misakay ang mga nahisgutan sa sakyanan sa mga supect ug ayha sila muadto sa maong tindahan aduna silay gi-agian nga lain pang babaye nga sumala pa empleyado sa atlas para motabang kanila nga maka avail ug dako nga discount sa maong tindahan.

Samtang anaa sulod sa sakyanan mitanyag matud pa ang langyaw nga ibilin niini sa nahisgutang biktima ang iyahang bag nga adunay unod 500,000 ka pesos basta hatagan siya ug 100,000.

Human sa maong tanyag mikanayon ang biktima nga anaa sa ilahang panimalay ang iyahang kwarta hinungdan nga ilahang gibalikan sa Mabuhay ug midiritso sa usa ka Fast food nga nahimutang sa Mabuhay Road, Barangay City Heights ug didto gihatag ang kwarta.

Gilayon milakaw ang mga suspect samtang mipaulisa ilang panimalay ang biktima ug sa dihang gisuta na ang unod sa bag pulos lang kini bodul nga kwarta.

Sa karon padayon pa ang gihimong imbistigasyon sa kapulisan aron nga ilhon ang mga suspect sa maong pagpangilad.(Dave Silagan)

Facebook Comments

From Advertisers