74 barangays sa Davao giilang COVID-19 critical risk areas

44
Davao City – Anaa sa 74 ka mga barangays sa syudad sa Davao ang giila sa City Government of Davao nga critical risk areas tungod sa taas nga kaso sa COVID-19.

Subay sa gipagulang advisory sa lokal nga panggamhanan sa Davao, gipahimangnuan ang publiko nga likayan ang mga non-essential travel gawas na lang kung alang kini sa trabaho, negosyo o emerhensiya sa pipila sa mga identified critical areas nga mao ang Barangay 21-C, 23-C, Buhangin Proper, Bunawan Proper, Catalunan Grande, Catalunan Pequeño, Centro (San Juan, Agdao), Lapu-lapu (Agdao), Lasang, Leon Garcia, Sr., Matina Aplaya, Matina Crossing, Matina Pangi, Talomo Proper, Tibungco,Tigatto, Toril Proper ug Tugbok Proper.

Nagpagawas og memorandum si Liga ng mga Barangay President Kapitan Edgar Ibuyan Sr. sa tanang kapitan nga pahugtan ang pagpatuman sa ilang mga residente sa minimum public health standard ug pagbadlong sa mga mass gatherings.

Lakip sa gimando ni Ibuyan ang pagpakusog sa rekorida ug pagroving sa mga barangay officials aron masigurong gituman gayud sa mga tawo ug mapugngan ang pagsutoy sa kaso sa COVID-19 sa dakbayan.

RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments