758 ka mga former communist rebels sa rehiyon dose nahatagan sang ayuda sang gobyerno, suno sa DSWD.

15

Nagalab-ot sa 758 ka mga former rebels (FRs) sa rehiyon dose ang nakabaton sang financial assistance kag food packs sang nagligad nga tuig agud nga masustintuhan ang ila nga nagapanguna nga kinahanglanon sa tunga sang COVID-19 pandemic.
Suno kay Department of Social Welfare and Development Regional Director Cezario Joel Espejo ang nasambit nga tikang ang kabahin sang kampanya sang gobyerno nga tapuson ang nagaluntad nga kinagamo.
Base sa datos sang ahensya yara sa P2.6 million funds ang narelease nga pondo sang DSWD 12.
Pahayag pa ni Espejo nga magluwas sa 466 nga ginhatagan sang cash assistance, 83 ang nalakip sa Social Amelioration Program; 168 ang nahatagan sang family food packs, kag 41 ang nakober sang crisis intervention unit.
Ginpasalamatan man ni Espejo ang mga partners nga local government units, national government agencies, subong man ang PNP kag militar sa pag-address sang problema sa insurhensya.
Ang nasambit nga tikang ang pagsuporta sa implementasyon sang EO 70 ukon ang End Local Communist Armed Conflict ni Presidente Rodrigo Duterte.

Facebook Comments