77 ka mga eskwelahan sa Davao region pwedi sa limited face-to-face classes

26

Davao City – Mokabat sa 77 kabuok eskwelahan sa Davao Region ilawom sa Modified General Community Quarantine (MGCQ) o low-risk areas ang na-identify sa Department of Education XI nga pweding musalmot sa pilot testing sa face to face classes.

Matud ni DepEd XI spokesperson Jenielito Atillo sa interbyu sa RMN Davao nga andam ang DepEd sa pagpatuman sa pilot testing sa face to face classes ug mag-agad karon sa desisyon sa IATF ug kang Presidente Rodrigo Duterte kung idayon kini.


Segun ni Atillo, kung aduna nay go signal, kinahanglan nga ma-secure sa Local Government Units (LGU) diin na nahimutang ang 77 ka mga eskwelahang ang shared responsibility ug striktong pagtuman sa health protocols, apan kung dili mu-commit ang LGU dili kini ipugos.

“Kinahanglan gyod ni og pagtugot gikan sa kagamhanan ug ma-secure kadtong shared responsibility with the Local Government Unit,” segun ni Atillo.

Kinahanglang adunay pagtugot usab sa mga ginikanan ang pagpasulod sa ilahang mga anak sa eskwelahan.

Irespeto sa DepEd XI kung dili man musugot ang ginikanan ug mamahimong magpadayon na lang ang pagtuon sa mga estudyante sa online, modular, radio o tv based instruction.



Matud sa DepEd nga ang mga estudyanteng mupartisipar, half day lamang ang klase.


Sumala ni Atillo, ang face to face gihapon ang nagpabiling pinakaamaayong learning modality ang face-to-face ilabina sa pagtubag sa mga panginahanglan sa mga estudyante apan nagpadayon gihapon ang flexibility sa mga magtutudlo ilawom sa pandemya sa pagmuntar sa klase.

RadyoMaN Aimee Guinita

Facebook Comments