8 anyos nalumos sa pool

Davao City – Nalumos samtang naligo sa swimming pool sa usa ka beach resort sa Talomo ang usa ka 8 anyos nga batang lalaki nga si alyas Carlo kagahapon bandang alas 9 sa kabuntagon.

Base sa report samtang nangaligo ang pamilya kuyog ang usa sa ka barangay clan, nadalikyatan na lang ang maong 8 anyos nga bata nga naglutaw na ug unconscious na kini.

Daling gitabang ang maong bata ug gidala sa balay tambalanan ug mayo na lang kay nasalba pa ang kinabuhi ug luwas na kini gikan sa makuyaw nga kahimtang.


Ikaduhang insidente nahitabo usab sa usa ka beach resort sa may Dumoy diin usa ka 9 anyos nga batang lalaki ang nadisgrasya samtang naligo sa swimming pool.

Base sa repot, ang bata mikatkat sa sliding ladder apan disgrasya kining nadalin-as ug maayo kay nahulog kini sa tubig ug dili sa tiles nga salog.

Ang 9 anyos nga batang angol gidala sa pinkaduol nga tambalanan.

Kapolisan nagpahimango nga kun panahon sa mga kalingawan ilabi na atul sa mga planong pagbakasyon sa Semana Santa nga bantay ang kabataan inig maligo og dagat ug swimming pool aron malikay sa disgrasya.

RadyoMaN Paul Canono

Facebook Comments