88 na ka STL outlet napasara sa Gensan

General Santos City— mukabat na sa 88 ka mga Small Town Lottery outlet ang napasara sa PNP ug sa City Permits and Licensing Office sa syudad samtang 37 STL outlets pa ang giokatakdang ipasarado sa otoridad. Kini ang gikumperma ni Police Sr. Supt. Romeo Ruel Berango, PNP City Director sa Gensan City Police Office.

Sumala ni Col. Berango nga sa Gensan adunay 125 ka mga STL Outlet. sa datus nga gipagula sa GSCPO, sa Police Station 1, sarado na ang tanang 14 outlets, sa Police Station 2, sa 26 ka mga outlet mukabat na sa 18 ang napasara samtang aduna pay 8 ang nagpabiling abli sa kasamtangan.

Sa Police Station 3, wala pay napasara sa mukabat 12 ka mga STL outlet; sa Police Station 4, sa 21 ka outlet nakapasara na sila ug 13 oulets; sa Police Station 5, sarado na ang 25 ka mga outlets, samtang wala pa usay napasara ang Police Station 7 sa mukabat 9 ka mga STL outlet sa ilang AOR.


Sumala ni Col. Berango nga usa sa mga rason nganong duna pay nahibilig STL outlet nga wala masara gumikan sa kuwang matud pa nga tarpaulin nga giimprenta sa syudad alang sa operation padlock sa mga STL Outlet.

Nasayran nga nagsugod ang operasyon sa pagpasara sa mga STL outlet sa syudad niadotng Lunes sa hapon ug nagpadayon hangtud sa kasamtangan.

Facebook Comments