88th Araw ng Dabaw ug Solidarity Campaign sa mga Duterte Supporters nagmalinawon, Aktibidad gisalmutan sa dul-an 30K ka mga indibidwal

Davao City – Nagmalampuson ang gilusad nga Parada Dabawenyo, Solidarity walk ug Solidarity Night sa mga solid Duterte Supporters atol sa pag selebrar sa ika-88th Araw ng Dabaw kagahapon March 16, 2025.

Sa report sa Davao City Police Office (DCPO) gibana-banaang miabot og dul-an 30k ka mga indibidwal ang misalmot sa maong aktibidad subay sa ilang gihimong assessment ug monitoring gikan sa Roxas Avenue padulong sa San Pedro Square.

Kadlawon palang ayha gisugdan ang parada, nag-katag na ang mga kapulisan alang sa culture of security diin kahibaluan nga nag augment matud pa og dugang 150 ka mga pulis atol sa pag-bantay sa maong aktibidad.

Sa karon, naghinay-hinay na ang assigned committee sa restoration ug pagpanghipos sa mga LED ug sound system, bangko, ug tents nga gigamit sa aktibidad.

Samtang, kamatikdan nga mingaw na sab ang lugar ning mga orasa tungod gideklara nga special non-working day ang March 17, 2025 subay sa kasaulugan sa Araw ng Dabaw.

via RadyoMaN Kareen Beltran