8th most gender-equal gidasonan

Davao City – Dili na malilong nga ning kasamtangang panahon pareho nang adunay patas nga katungod ang kalalakin-an ug ang kababayenhan kung ang hisgutanan mao ang oportunidad sa kinabuhi.

Mao kini ang obserbasyon ni Davao City 1st District Councilor Joanne Bonguyan-Quilos labot sa patas nga katungod tali sa lalake ug babaye sa kasamtangang henerasyon.

Lig-on basehan niini matud ni Councilor Quilos mao ang pagdaghan sa mga babayeng magbabalaod sa syudad, tag-as nga mga opisyal sa lokal nga kagamhanan maingon man sa nasudnong buhatan ug daghan pang uban.


Mas mitaas pa karon ang moral sa mga kababayenhan gumikan sa paghatag og dakong bili ni Presidente Rodrigo Duterte sa kontribusyon nga naambag sa mga babaye sa pagpadagan sa nasud.

Ug mao kini ang hinungdan ngano nasungkit sa Pilipinas ang ika-walo nga puwesto sa Most Gender-Equal sa tibuok kalibutan, batbat pa ni Councilor Quilos.

Busa sa tan-aw ni Councilor Quilos, dili na matawag nga second class ang mga kababayen-an sanglit ang mahimo sa lalake kaya naman himoon sa babaye sama sa pagpanday ug daghan pang uban.

RadyoMaN Joel Viray

Facebook Comments