9 anyos nga bata, patay human mahulog sa kanal

13

General Santos City—Patay ang 9 anyos nga batang lalaki nga taga Londres Vill., Barangay Cannery Site, Polomolok South Cotabato human naanod ug nalumos.

Alas 4:00 sa hapon nakit-an ang biktima sa Silway 7 river, Purok Malipayon, Polomolok kansa may samad sa ulo ug sa iyang lawas.


Subay sa report sa Polomolok Municipal Police Station, gikan ang biktima sa iyang eskwelahan ug pauli na uban ang iyang mga classmate. Tungod kusog ang ulan, mingpasilong ang mga nasampit sa covered court sa may Octavio Village apan naawhag ang biktima nga maligo sa ulan.

Samtang nalingaw ug kaligo ang nasampit nadakin-as kini ug nahulog sa dakong kanal sa maong lugar, gisuwayan pag rescue apan tungod sa kusog nga bul-og sa tubig, wala na makit-an ang biktima.

Human sa pipila ka oras, nakit-an ang nasampit sa may Silway river kansa daling gidala sa ospital apan gideklara nang dead on arrival.

Facebook Comments

From Advertisers